KHabar ke moD pe sang-e-nishan thi be-KHabari
Thikane aae mere hosh ya Thikane lage

Abdul Ahad Saaz

---

---

hosh-mandi se jahan baat na banti ho 'sahar'
kaam aise mein bahut be-KHabari aati hai

Abu Mohammad Sahar

---

---

asrar agar samjhe duniya ki har ek shai ke
KHud apni haqiqat se ye be-KHabari kyun hai

Asad Multani

---

---

na kuchh fana ki KHabar hai na hai baqa malum
bas ek be-KHabari hai so wo bhi kya malum

Asghar Gondvi

---

---

ho mohabbat ki KHabar kuchh to KHabar phir kyun ho
ye bhi ek be-KHabari hai ki KHabar rakhte hain

Ghulam Maula Qalaq

---

---

kuchh kamaya nahin bazar-e-KHabar mein rah kar
band dukkan karen be-KHabari pesha karen

Moin Najmi

---

---

KHabar-e-tahayyur-e-ishq sun na junun raha na pari rahi
na to tu raha na to main raha jo rahi so be-KHabari rahi

Siraj Aurangabadi

---

---