شدت شوق میں کچھ اتنا اسے یاد کیا
آئینہ توڑ کے تصویر نکل آئی ہے

منظور ہاشمی

---

---

سنا ہے سچی ہو نیت تو راہ کھلتی ہے
چلو سفر نہ کریں کم سے کم ارادہ کریں

منظور ہاشمی

---

---

تیس چالیس دن تو کاٹ دیے
اور کتنے ہیں اس مہینے میں

منظور ہاشمی

---

---

امید و یاس کی رت آتی جاتی رہتی ہے
مگر یقین کا موسم نہیں بدلتا ہے

منظور ہاشمی

---

---

یقین ہو تو کوئی راستہ نکلتا ہے
ہوا کی اوٹ بھی لے کر چراغ جلتا ہے

منظور ہاشمی

---

---

زندگی کتنی حسیں کتنی بڑی نعمت ہے
آہ میں ہوں کہ اسے پا کے بھی شرمندہ ہوں

منظور ہاشمی

---

---

میں ایسی راہ پہ نکلا کہ میری خوش بختی
تمام عمر مری کھوج میں بھٹکتی رہی

مقبول عامر

---

---