میں اس کے بارے میں اتنا زیادہ سوچتا ہوں
کہ ایک روز اسے روبرو تو ہونا ہے

منظور ہاشمی

---

---

موم کے پتلے تھے ہم اور گرم ہاتھوں میں رہے
جس نے جو چاہا ہمیں ویسا بنا کر لے گیا

منظور ہاشمی

---

---

نہ جانے اس کی کہانی میں کتنے پہلو ہیں
کہ جب سنو تو نیا واقعہ نکلتا ہے

منظور ہاشمی

---

---

نئی فضا کے پرندے ہیں کتنے متوالے
کہ بال و پر سے بھی پہلے اڑان مانگتے ہیں

منظور ہاشمی

---

---

پانی میں ذرا دیر کو ہلچل تو ہوئی تھی
پھر یوں تھا کہ جیسے کوئی ڈوبا ہی نہیں تھا

منظور ہاشمی

---

---

پتا نہیں کہ جدا ہو کے کیسے زندہ ہیں
ہمارا اس کا تعلق تو جسم و جان کا تھا

منظور ہاشمی

---

---

قبول کیسے کروں ان کا فیصلہ کہ یہ لوگ
مرے خلاف ہی میرا بیان مانگتے ہیں

منظور ہاشمی

---

---