یوں تو اشکوں سے بھی ہوتا ہے الم کا اظہار
ہائے وہ غم جو تبسم سے عیاں ہوتا ہے

مقبول نقش

---

---

زندگی خواب دیکھتی ہے مگر
زندگی زندگی ہے خواب نہیں

مقبول نقش

---

---

جینا مشکل تو بہت ہے تری اس دنیا میں
لیکن اس خواب کو مرنا بھی نہیں چاہئے ہے

مقصود وفا

---

---

مجھ کو تخریب بھی نہیں آئی
توڑتا کچھ ہوں ٹوٹتا کچھ ہے

مقصود وفا

---

---

آخر ہوا ہے حشر بپا انتظار میں
صبح شب فراق ہوئی مارواڑ میں

مردان علی خاں رانا

---

---

ابرو آنچل میں دوپٹے کے چھپانا ہے بجا
ترک کیا میان میں رکھتے نہیں تلواروں کو

مردان علی خاں رانا

---

---

اشک حسرت دیدۂ دل سے ہیں جاری ان دنوں
کار طوفاں کر رہی ہے اشک باری ان دنوں

مردان علی خاں رانا

---

---