چلو لہو بھی چراغوں کی نذر کر دیں گے
یہ شرط ہے کہ وہ پھر روشنی زیادہ کریں

منظور ہاشمی

---

---

چیخ و پکار میں تو ہیں شامل تمام لوگ
کیا بات ہے یہ کوئی بتا بھی نہیں رہا

منظور ہاشمی

---

---

فراق بچھڑی ہوئی خوشبوؤں کا سہ نہ سکیں
تو پھول اپنا بدن پارا پارا کرتے ہیں

منظور ہاشمی

---

---

ہدف بھی مجھ کو بنانا ہے اور میرے حریف
مجھی سے تیر مجھی سے کمان مانگتے ہیں

منظور ہاشمی

---

---

ہمارے لفظ آئندہ زمانوں سے عبارت ہیں
پڑھا جائے گا کل جو آج وہ تحریر کرتے ہیں

منظور ہاشمی

---

---

ہمارے ساتھ بھی چلتا ہے رستا
ہمارے بعد بھی رستا چلے گا

منظور ہاشمی

---

---

اک زمانہ ہے ہواؤں کی طرف
میں چراغوں کی طرف ہو جاؤں

منظور ہاشمی

---

---