خوشبو سے کس زبان میں باتیں کریں گے لوگ
محفل میں یہ سوال تجھے دیکھ کر ہوا

منصور عثمانی

---

---

مجھ سے دلی کی نہیں دل کی کہانی سنئے
شہر تو یہ بھی کئی بار لٹا ہے مجھ میں

منصور عثمانی

---

---

پہلے تو اس کی یاد نے سونے نہیں دیا
پھر اس کی آہٹوں نے کہا جاگتے رہو

منصور عثمانی

---

---

شبنم کی جگہ آگ کی بارش ہو مگر ہم
منصورؔ نہ مانگیں گے دعا اور طرح کی

منصور عثمانی

---

---

یہ الگ بات کہ الفاظ ہیں میرے لیکن
سچ تو بس یہ ہے کہ تیری ہی صدا ہے مجھ میں

منصور عثمانی

---

---

عجیب وجہ ملاقات تھی مری اس سے
کہ وہ بھی میری طرح شہر میں اکیلا تھا

منصورہ احمد

---

---

میں اس کو کھو کے بھی اس کو پکارتی ہی رہی
کہ سارا ربط تو آواز کے سفر کا تھا

منصورہ احمد

---

---