میری تاریک شبوں میں ہے اجالا ان سے
چاند سے زخموں پہ مرہم یہ لگاتے کیوں ہو

لئیق عاجز

---

---

مجھے تو جو بھی ملا ہے عذاب کی صورت
مری حیات ہے اک تشنہ خواب کی صورت

لئیق عاجز

---

---

قلم اٹھاؤں کہ بچوں کی زندگی دیکھوں
پڑا ہوا ہے دوراہے پہ اب ہنر میرا

لئیق عاجز

---

---

شام ہوتے ہی بجھ گیا عاجزؔ
ایک مفلس کا خواب تھا نہ رہا

لئیق عاجز

---

---

ترک جام و سبو نہ کر پائے
اس لیے ہم وضو نہ کر پائے

لئیق عاجز

---

---

وہ دھوپ تھی کہ زمیں جل کے راکھ ہو جاتی
برس کے اب کے بڑا کام کر گیا پانی

لئیق عاجز

---

---

آئینہ دل کا توڑ کے کہتا ہے سنگ زن
دل تیرا توڑ کر مجھے اچھا نہیں لگا

لئیق اکبر سحاب

---

---