کسی اک آدھ مے کش سے خطا کچھ ہو گئی ہوگی
مگر کیوں مے کدے کا مے کدہ بد نام ہے ساقی

کنور مہیندر سنگھ بیدی سحر

---

---

مرنا تو لازم ہے اک دن جی بھر کے اب جی تو لوں
مرنے سے پہلے مر جانا میرے بس کی بات نہیں

کنور مہیندر سنگھ بیدی سحر

---

---

مرے سوال وصال پر تم نظر جھکا کر کھڑے ہوئے ہو
تمہیں بتاؤ یہ بات کیا ہے سوال پورا جواب آدھا

کنور مہیندر سنگھ بیدی سحر

---

---

مسکرانا کبھی نہ راس آیا
ہر ہنسی ایک واردات بنی

کنور مہیندر سنگھ بیدی سحر

---

---

پھر اس کے بعد ہمیں تشنگی رہے نہ رہے
کچھ اور دیر مروت سے کام لے ساقی

کنور مہیندر سنگھ بیدی سحر

---

---

ساقی مے ساغر پیمانہ میرے بس کی بات نہیں
صرف انہی سے دل بہلانا میرے بس کی بات نہیں

کنور مہیندر سنگھ بیدی سحر

---

---

شوخی شباب حسن تبسم حیا کے ساتھ
دل لے لیا ہے آپ نے کس کس ادا کے ساتھ

کنور مہیندر سنگھ بیدی سحر

---

---