ٹھنڈی رات اور ٹھنڈا بستر سکھی ری کانٹے آئے
لوگ کہیں جو دکھ سانجھے ہوں دل ہلکا ہو جائے

کشور ناہید

---

---

دھیما دھیما درد سہانا ہم کو اچھا لگتا تھا
دکھتے جی کو اور دکھانا ہم کو اچھا لگتا تھا

کرشن ادیب

---

---

پشت پر قاتل کا خنجر سامنے اندھا کنواں
بچ کے جاؤں کس طرف اب راستہ کوئی نہیں

کرشن ادیب

---

---

شو کیس میں رکھا ہوا عورت کا جو بت ہے
گونگا ہی سہی پھر بھی دل آویز بہت ہے

کرشن ادیب

---

---

ہوس نے توڑ دی برسوں کی سادھنا میری
گناہ کیا ہے یہ جانا مگر گناہ کے بعد

کرشن بہاری نور

---

---

اتنے حصوں میں بٹ گیا ہوں میں
میرے حصے میں کچھ بچا ہی نہیں

کرشن بہاری نور

---

---

کیسی عجیب شرط ہے دیدار کے لیے
آنکھیں جو بند ہوں تو وہ جلوہ دکھائی دے

کرشن بہاری نور

---

---