aur 'faraaz' chahiyen kitni mohabbaten tujhe
maon ne tere nam par bachchon ka nam rakh diya

Ahmad Faraz

---

---

kabhi 'faraaz' se aa kar milo jo waqt mile
ye shaKHs KHub hai ashaar ke alawa bhi

Ahmad Faraz

---

---

mera har sher hai ek raaz-e-haqiqat 'beKHud'
main hun urdu ka 'naziri' mujhe tu kya samjha

Bekhud Dehlvi

---

---

na dekhe honge rind-e-la-ubaali tum ne 'beKHud' se
ki aise log ab aankhon se ojhal hote jate hain

Bekhud Dehlvi

---

---

aane wali naslen tum par faKHr karengi ham-asro
jab bhi un ko dhyan aaega tum ne 'firaq' ko dekha hai

Firaq Gorakhpuri

---

---

meri ghuTTi mein paDi thi ho ke hal urdu zaban
jo bhi main kahta gaya husn-e-bayan banta gaya

Firaq Gorakhpuri

---

---

teri zamin se uThenge to aasman honge
hum aise log zamane mein phir kahan honge

Ibrahim Ashk

---

---