گلشن میں جو وصف اس کا کہوں دھیان لگا کر
ہر گل مری باتوں کو سنے کان لگا کر

جرأت قلندر بخش

---

---

ہاتھ ملتے ہوئے آج آتے ہیں سب رہ گزرے
جائے حیرت ہے کہ میں کیوں سر بازار نہ تھا

جرأت قلندر بخش

---

---

ہے عاشق و معشوق میں یہ فرق کہ محبوب
تصویر تفرج ہے وہ پتلا ہے الم کا

جرأت قلندر بخش

---

---

ہیں لازم و ملزوم بہم حسن و محبت
ہم ہوتے نہ طالب جو وہ مطلوب نہ ہوتا

جرأت قلندر بخش

---

---

حیراں نہ ہو سر دیکھ مرا اپنی زمیں پر
دیکھو تو لکھا کیا ہے مری لوح جبیں پر

جرأت قلندر بخش

---

---

ہم دوانوں کا یہ ہے دشت جنوں میں رتبہ
کہ قدم رکھتے ہی آ پاؤں سے ہر خار لگا

جرأت قلندر بخش

---

---

ہم گلشن حیرت میں ہیں پرواز کہاں کی
جوں بلبل تصویر کبھی ٹک نہ ہلے پر

جرأت قلندر بخش

---

---