دکھائی کیوں دل وحشی کو چشم وہ جرأتؔ
شراب اور دوانے کو تو پلا لایا

جرأت قلندر بخش

---

---

دل جگر کی مرے پوچھے ہے خبر کیا ہے اے یار
نوک مژگاں پہ ذرا دیکھ نمودار ہے کیا

جرأت قلندر بخش

---

---

دل کی کیا پوچھے ہے اک قطرۂ خوں تھا ہمدم
سو غم عشق نے آتے ہیں اسے نوش کیا

جرأت قلندر بخش

---

---

دل کو اے عشق سوئے زلف سیہ فام نہ بھیج
رہزنوں میں تو مسافر کو سر شام نہ بھیج

جرأت قلندر بخش

---

---

دل میں اب اس کے جو لہر آئی ہے گھر جانے کی
تو بھی رونے کی جھڑی دیدۂ خوں بار لگا

جرأت قلندر بخش

---

---

دل مضطر یہ کہے ہے وہیں لے چل ورنہ
توڑ چھاتی کے کواڑوں کو نکل جاؤں گا

جرأت قلندر بخش

---

---

دل وحشی کو خواہش ہے تمہارے در پہ آنے کی
دوانا ہے ولیکن بات کرتا ہے ٹھکانے کی

جرأت قلندر بخش

---

---