ہم ہیں وہ جنس کہ کہتے ہیں جسے غم جرأتؔ
ہے محبت کے سوا کون خریدار اپنا

جرأت قلندر بخش

---

---

ہم نشیں اس کو جو لانا ہے تو لا جلد کہ ہم
تھامے بیٹھے رہیں کب تک دل مضطر اپنا

جرأت قلندر بخش

---

---

حشمت دنیا کی کچھ دل میں ہوس باقی نہیں
عشق کی دولت سے ہیں ایسے ہی عالی جاہ ہم

جرأت قلندر بخش

---

---

ہجر میں مضطرب سا ہو ہو کے
چار سو دیکھتا ہوں رو رو کے

جرأت قلندر بخش

---

---

ہوئی پیری میں اس گھر کی سی حالت خانۂ تن کی
در و دیوار گر کر جس مکاں کا اٹھ نہیں سکتا

جرأت قلندر بخش

---

---

اک بازیٔ عشق سے ہیں عاری
کھیلے ہیں وگرنہ سب جوئے ہم

جرأت قلندر بخش

---

---

الٰہی کیا علاقہ ہے وہ جب لیتا ہے انگڑائی
مرے سینے میں سب زخموں کے ٹانکے ٹوٹ جاتے ہیں

جرأت قلندر بخش

---

---