دوستو ٹانکے نہ دو احسان ٹک اتنا کرو
لے چلو مجھ کو وہیں تم میں جہاں ٹکڑے ہوا

جرأت قلندر بخش

---

---

دوریٔ یار سے ہووے تو کسی شکل نجات
روز ہم اس لیے ہو آتے ہیں دو چار کے پاس

جرأت قلندر بخش

---

---

ایک تو مرضی نہ تھی جانے کو میری اس طرف
تس پہ دل آنکھوں سے باراں خوں کا برساتا رہا

جرأت قلندر بخش

---

---

فربہ تنی کی فکر میں ناداں ہیں روز و شب
آخر کو جانتے نہیں ہے یہ غذائے مرگ

جرأت قلندر بخش

---

---

غم مجھے ناتوان رکھتا ہے
عشق بھی اک نشان رکھتا ہے

جرأت قلندر بخش

---

---

گر کہیں پاؤں اکیلا تو بلائیں لے کر
کس مزے سے تجھے لوں چھاتی سے دل دار لگا

جرأت قلندر بخش

---

---

گر ملوں میں کف افسوس تو ہنستا ہے وہ شوخ
ہاتھ میں ہاتھ کسی شخص کے دے کر اپنا

جرأت قلندر بخش

---

---