میں تو اپنی جان پہ کھیل کے پیار کی بازی جیت گیا
قاتل ہار گئے جو اب تک خون کے چھینٹے دھوتے ہیں

افضل پرویز

---

---

تم ان کو سزا کیوں نہیں دیتے کہ جنہوں نے
مجرم کا ضمیر اور سکوں لوٹ لیا ہے

افضل پرویز

---

---

آمد آمد ہے ترے شہر میں کس وحشی کی
بند رہنے کی جو تاکید ہے بازاروں کو

آغا حجو شرف

---

---

بے وفا تم با وفا میں دیکھیے ہوتا ہے کیا
غیظ میں آنے کو تم ہو مجھ کو پیار آنے کو ہے

آغا حجو شرف

---

---

دیکھنے بھی جو وہ جاتے ہیں کسی گھائل کو
اک نمکداں میں نمک پیس کے بھر لیتے ہیں

آغا حجو شرف

---

---

دل میں آمد آمد اس پردہ نشیں کی جب سنی
دم کو جلدی جلدی میں نے جسم سے باہر کیا

آغا حجو شرف

---

---

دو وقت نکلنے لگی لیلیٰ کی سواری
دلچسپ ہوا قیس کے رہنے سے بن ایسا

آغا حجو شرف

---

---