جوکھم اے مردم دیدہ ہے سمجھ کے رونا
ڈوب بھی جاتے ہیں دریا میں نہانے والے

آغا حجو شرف

---

---

کبھی جو یار کو دیکھا تو خواب میں دیکھا
مری مراد بھی آئی تو مستعار آئی

آغا حجو شرف

---

---

کہا جو میں نے میرے دل کی اک تصویر کھنچوا دو
منگا کر رکھ دیا اک شیشہ چکناچور پہلو میں

آغا حجو شرف

---

---

خلوت سرائے یار میں پہنچے گا کیا کوئی
وہ بند و بست ہے کہ ہوا کا گزر نہیں

آغا حجو شرف

---

---

کیا بجھائے گا مرے دل کی لگی وہ شعلہ رو
دوڑتا ہے جو لگا کے آگ پانی کے لئے

آغا حجو شرف

---

---

کیا خدا ہیں جو بلائیں تو وہ آ ہی نہ سکیں
ہم یہ کہتے ہیں کہ آ جائیں تو جا ہی نہ سکیں

آغا حجو شرف

---

---

لکھا ہے جو تقدیر میں ہوگا وہی اے دل
شرمندہ نہ کرنا مجھے تو دست دعا کا

آغا حجو شرف

---

---