اللہ رے بھلاپا منہ دھو کے خود وہ بولے
سونگھو تو ہو گیا یہ پانی گلاب کیوں کر

جرأت قلندر بخش

---

---

بعد مدت وہ دیکھ کر بولا
کس نے یاں خاک کا یہ ڈھیر رکھا

جرأت قلندر بخش

---

---

بال ہیں بکھرے بینڈ ہیں ٹوٹے کان میں ٹیڑھا بالا ہے
جرأتؔ ہم پہچان گئے ہیں دال میں کالا کالا ہے

جرأت قلندر بخش

---

---

بے حس و حیراں جو ہوں گھر میں پڑا اس کے عوض
کاش میں نقش قدم ہوتا کسی کی راہ کا

جرأت قلندر بخش

---

---

بھری جو حسرت و یاس اپنی گفتگو میں ہے
خدا ہی جانے کہ بندہ کس آرزو میں ہے

جرأت قلندر بخش

---

---

بن دیکھے اس کے جاوے رنج و عذاب کیوں کر
وہ خواب میں تو آوے پر آوے خواب کیوں کر

جرأت قلندر بخش

---

---

بود و باش اپنی کہیں کیا کہ اب اس بن یوں ہے
جس طرح سے کوئی مجذوب کہیں بیٹھ رہا

جرأت قلندر بخش

---

---