نیکی اک دن کام آتی ہے ہم کو کیا سمجھاتے ہو
ہم نے بے بس مرتے دیکھے کیسے پیارے پیارے لوگ

جاوید اختر

---

---

پھر خموشی نے ساز چھیڑا ہے
پھر خیالات نے لی انگڑائی

جاوید اختر

---

---

سب کا خوشی سے فاصلہ ایک قدم ہے
ہر گھر میں بس ایک ہی کمرہ کم ہے

جاوید اختر

---

---

تب ہم دونوں وقت چرا کر لاتے تھے
اب ملتے ہیں جب بھی فرصت ہوتی ہے

جاوید اختر

---

---

تھیں سجی حسرتیں دکانوں پر
زندگی کے عجیب میلے تھے

جاوید اختر

---

---

تم یہ کہتے ہو کہ میں غیر ہوں پھر بھی شاید
نکل آئے کوئی پہچان ذرا دیکھ تو لو

جاوید اختر

---

---

اس دریچے میں بھی اب کوئی نہیں اور ہم بھی
سر جھکائے ہوئے چپ چاپ گزر جاتے ہیں

جاوید اختر

---

---