اب تو تیرے حسن کی ہر انجمن میں دھوم ہے
جس نے میرا حال دیکھا تیرا دیوانہ ہوا

جمیل یوسف

---

---

اے خدا تو ہی بے مثال نہیں
میں بھی ہوں کائنات میں تنہا

جمیل یوسف

---

---

دل جہاں لے جائے دل کے ساتھ جانا چاہیئے
اس سے بڑھ کر اور کوئی رہنما ہوتا نہیں

جمیل یوسف

---

---

تیری دنیا میں ترے حسن کا شیدائی ہوں
اے خدا مجھ کو گنہ گار نہ سمجھا جائے

جمیل یوسف

---

---

تیری دوری بھی ہے مشکل تری قربت بھی محال
کس قدر تو نے مری جان ستایا ہے مجھے

جمیل یوسف

---

---

تو مری راہ میں کیوں حائل ہے
ایک امڈے ہوئے دریا کی طرح

جمیل یوسف

---

---

عالؔی اب کے کٹھن پڑا دیوالی کا تیوہار
ہم تو گئے تھے چھیلا بن کر بھیا کہہ گئی نار

جمیل الدین عالی

---

---