اداس خشک لبوں پر لرز رہا ہوگا
وہ ایک بوسہ جو اب تک مری جبیں پہ نہیں

عرفانؔ صدیقی

---

---

اس کی آنکھیں ہیں کہ اک ڈوبنے والا انساں
دوسرے ڈوبنے والے کو پکارے جیسے

عرفانؔ صدیقی

---

---

اس کو منظور نہیں ہے مری گمراہی بھی
اور مجھے راہ پہ لانا بھی نہیں چاہتا ہے

عرفانؔ صدیقی

---

---

اس کو رہتا ہے ہمیشہ مری وحشت کا خیال
میرے گم گشتہ غزالوں کا پتا چاہتی ہے

عرفانؔ صدیقی

---

---

اس سے بچھڑے تو تمہیں کوئی نہ پہچانے گا
تم تو پرچھائیں ہو پیکر کی طرف لوٹ چلو

عرفانؔ صدیقی

---

---

اٹھو یہ منظر شب تاب دیکھنے کے لیے
کہ نیند شرط نہیں خواب دیکھنے کے لیے

عرفانؔ صدیقی

---

---

وگرنہ تنگ نہ تھی عشق پر خدا کی زمیں
کہا تھا اس نے تو میں اپنے گھر چلا بھی گیا

عرفانؔ صدیقی

---

---