میں جھپٹنے کے لیے ڈھونڈھ رہا ہوں موقع
اور وہ شوخ سمجھتا ہے کہ شرماتا ہوں

عرفانؔ صدیقی

---

---

میں کہاں تک دل سادہ کو بھٹکنے سے بچاؤں
آنکھ جب اٹھے گنہ گار بنا دے مجھ کو

عرفانؔ صدیقی

---

---

میں نے اتنا اسے چاہا ہے کہ وہ جان مراد
خود کو زنجیر محبت سے رہا چاہتی ہے

عرفانؔ صدیقی

---

---

میں تیری منزل جاں تک پہنچ تو سکتا ہوں
مگر یہ راہ بدن کی طرف سے آتی ہے

عرفانؔ صدیقی

---

---

مولیٰ، پھر مرے صحرا سے بن برسے بادل لوٹ گئے
خیر شکایت کوئی نہیں ہے اگلے برس برسا دینا

عرفانؔ صدیقی

---

---

میرے ہونے میں کسی طور سے شامل ہو جاؤ
تم مسیحا نہیں ہوتے ہو تو قاتل ہو جاؤ

عرفانؔ صدیقی

---

---

مرے گماں نے مرے سب یقیں جلا ڈالے
ذرا سا شعلہ بھری بستیوں کو چاٹ گیا

عرفانؔ صدیقی

---

---