دل کے سونے صحن میں گونجی آہٹ کس کے پاؤں کی
دھوپ بھرے سناٹے میں آواز سنی ہے چھاؤں کی

حماد نیازی

---

---

ہار دیا ہے عجلت میں
خود کو کس آسانی سے

حماد نیازی

---

---

ہم ایسے لوگ جو آئندہ و گزشتہ ہیں
ہمارے عہد کو موجود سے تہی کیا جائے

حماد نیازی

---

---

ہم اس خاطر تری تصویر کا حصہ نہیں تھے
ترے منظر میں آ جائے نہ ویرانی ہماری

حماد نیازی

---

---

کب مجھے اس نے اختیار دیا
کب مجھے خود پہ اختیار آیا

حماد نیازی

---

---

کچی قبروں پر سجی خوشبو کی بکھری لاش پر
خامشی نے اک نئے انداز میں تقریر کی

حماد نیازی

---

---

میں اپنے باپ کے سینے سے پھول چنتا ہوں
سو جب بھی سانس تھمی باغ میں ٹہل آیا

حماد نیازی

---

---