فقدان عروج رسن و دار نہیں ہے
منصور بہت ہیں لب اظہار نہیں ہے

حنیف اخگر

---

---

ہر طرف ہیں خانہ بربادی کے منظر بے شمار
کچھ ٹھکانہ ہے بھلا اس جذبۂ تعمیر کا

حنیف اخگر

---

---

ہر چند ہمہ گیر نہیں ذوق اسیری
ہر پاؤں میں زنجیر ہے میں دیکھ رہا ہوں

حنیف اخگر

---

---

حسین صورت ہمیں ہمیشہ حسیں ہی معلوم کیوں نہ ہوتی
حسین انداز دل نوازی حسین تر ناز برہمی کا

حنیف اخگر

---

---

عشق میں دل کا یہ منظر دیکھا
آگ میں جیسے سمندر دیکھا

حنیف اخگر

---

---

اظہار پہ بھاری ہے خموشی کا تکلم
حرفوں کی زباں اور ہے آنکھوں کی زباں اور

حنیف اخگر

---

---

جب بھی اس زلف پریشاں کی ہوا آتی ہے
ہم تو خوشبو کی طرح گھر سے نکل جاتے ہیں

حنیف اخگر

---

---