زندگی خود کو نہ اس روپ میں پہچان سکی
آدمی لپٹا ہے خوابوں کے کفن میں ایسا

فضا ابن فیضی

---

---

صابرؔ ترا کلام سنیں کیوں نہ اہل فن
بندش عجب ہے اور عجب بول چال ہے

فضل حسین صابر

---

---

شگفتہ باغ سخن ہے ہمیں سے اے صابرؔ
جہاں میں مثل نسیم بہار ہم بھی ہیں

فضل حسین صابر

---

---

تم نے کیوں دل میں جگہ دی ہے بتوں کو صابرؔ
تم نے کیوں کعبہ کو بت خانہ بنا رکھا ہے

فضل حسین صابر

---

---

تو جفاؤں سے جو بدنام کئے جاتا ہے
یاد آئے گی تجھے میری وفا میرے بعد

فضل حسین صابر

---

---

ان کی مانند کوئی صاحب ادراک کہاں
جو فرشتے نہیں سمجھے وہ بشر سمجھے ہیں

فضل حسین صابر

---

---

اب کون جا کے صاحب منبر سے یہ کہے
کیوں خون پی رہا ہے ستم گر شراب پی

فاضل جمیلی

---

---