تجھے ہوس ہو جو مجھ کو ہدف بنانے کی
مجھے بھی تیر کی صورت کماں میں رکھ دینا

فضا ابن فیضی

---

---

تو ہے معنی پردۂ الفاظ سے باہر تو آ
ایسے پس منظر میں کیا رہنا سر منظر تو آ

فضا ابن فیضی

---

---

اس کی قربت کا نشہ کیا چیز ہے
ہاتھ پھر جلتے توے پر رکھ دیا

فضا ابن فیضی

---

---

وقت نے کس آگ میں اتنا جلایا ہے مجھے
جس قدر روشن تھا میں اس سے سوا روشن ہوا

فضا ابن فیضی

---

---

وہ میل جول حسن و بصیرت میں اب کہاں
جو سلسلہ تھا پھول کا پتھر سے کٹ گیا

فضا ابن فیضی

---

---

یہ تماشا دیدنی ٹھہرا مگر دیکھے گا کون
ہو گئے ہم راکھ تو دست دعا روشن ہوا

فضا ابن فیضی

---

---

یوں معانی سے بہت خاص ہے رشتہ اپنا
زندگی کٹ گئی لفظوں کو خبر کرنے میں

فضا ابن فیضی

---

---