آئینہ رو بہ رو رکھ اور اپنی چھب دکھانا
کیا خود پسندیاں ہیں کیا خود نمائیاں ہیں

تاباں عبد الحی

---

---

آئنے کو تری صورت سے نہ ہو کیوں کر حیرت
در و دیوار تجھے دیکھ کے حیران ہے آج

تاباں عبد الحی

---

---

آتا ہے محتسب پئے تعزیر مے کشو
پگڑی کو اس کی پھینک دو داڑھی کو لو اکھاڑ

تاباں عبد الحی

---

---

آتا نہیں وہ یار ستم گر تو کیا ہوا
کوئی غم تو اس کا دل سے ہمارے جدا نہیں

تاباں عبد الحی

---

---

آتش عشق میں جو جل نہ مریں
عشق کے فن میں وہ اناری ہیں

تاباں عبد الحی

---

---

اگر تو شہرۂ آفاق ہے تو تیرے بندوں میں
ہمیں بھی جانتا ہے خوب اک عالم میاں صاحب

تاباں عبد الحی

---

---

اے مرد خدا ہو تو پرستار بتاں کا
مذہب میں مرے کفر ہے انکار بتاں کا

تاباں عبد الحی

---

---

بعد مدت کے ماہرو آیا
کیوں نہ اس کے گلے لگوں تاباںؔ

تاباں عبد الحی

---

---

برا نہ مانیو میں پوچھتا ہوں اے ظالم
کہ بے کسوں کے ستائے سے کچھ بھلا بھی ہے

تاباں عبد الحی

---

---