اجنبی شہروں میں تجھ کو ڈھونڈھتا ہوں جس طرح
اک گلی ہر شہر میں تیری گلی جیسی بھی ہے

شہزاد احمد

---

---

اپنے ہی عکس کو پانی میں کہاں تک دیکھوں
ہجر کی شام ہے کوئی تو لب جو آئے

شہزاد احمد

---

---

اپنے لیے تو خاک کی خوشبو ہے زندگی
لازم نہیں کہ آب و ہوا خوش گوار ہو

شہزاد احمد

---

---

بہت شرمندہ ہوں ابلیس سے میں
خطا میری سزا اس کو ملی ہے

شہزاد احمد

---

---

بیٹھا ہی رہا صبح سے میں دھوپ ڈھلے تک
سایہ ہی سمجھتی رہی دیوار مجھے بھی

شہزاد احمد

---

---

بس ایک لمحے میں کیا کچھ گزر گئی دل پر
بحال ہوتے ہوئے ہم نے ایک زمانہ لیا

شہزاد احمد

---

---

بس یہی ہوگا کہ دیوانہ کہیں گے اہل بزم
آپ چپ کیوں ہیں مری طرز نوا لے لیجیے

شہزاد احمد

---

---

بے ہنر ہاتھ چمکنے لگا سورج کی طرح
آج ہم کس سے ملے آج کسے چھو آئے

شہزاد احمد

---

---

بھرپور نہیں ہیں کسی چہرے کے خد و خال
دیکھا نہیں وہ چاند جو پورا نظر آئے

شہزاد احمد

---

---