دشت میں کیسی دیواریں
مجنوں کس کا ہمسایہ

شہزاد احمد

---

---

دیوار کس طرف سے بڑھے کچھ خبر نہیں
ہے بے شمار شہروں میں جنگل گھرا ہوا

شہزاد احمد

---

---

دل بھی تو اک دیار ہے روشن ہرا بھرا
آنکھوں کا یہ چراغ بجھا اور دیکھ لے

شہزاد احمد

---

---

دل و نگاہ کا یہ فاصلہ بھی کیوں رہ جائے
اگر تو آئے تو میں دل کو آنکھ میں رکھ لوں

شہزاد احمد

---

---

دل پر بھی آؤ ایک نظر ڈالتے چلیں
شاید چھپے ہوئے ہوں یہیں دن بہار کے

شہزاد احمد

---

---

دل پہ اے دوست قیامت سی گزر جاتی ہے
تم نگاہ غلط انداز سے دیکھا نہ کرو

شہزاد احمد

---

---

دل سا وحشی کبھی قابو میں نہ آیا یارو
ہار کر بیٹھ گئے جال بچھانے والے

شہزاد احمد

---

---

دن نکلتے ہی وہ خوابوں کے جزیرے کیا ہوئے
صبح کا سورج مری آنکھیں چرا کر لے گیا

شہزاد احمد

---

---

دنیا میں اندھیروں کے سوا اور رہا کیا
اک تیری تمنا سو چراغ سحری ہے

شہزاد احمد

---

---