شیخ جی کیونکہ معاصی سے بچیں ہم کہ گناہ
ارث ہے اپنی ہم آدم کے اگر پوتے ہیں
قائم چاندپوری
ٹیگز:
| 2 لائنیں شیری |
شیخ جی آیا نہ مسجد میں وہ کافر ورنہ ہم
پوچھتے تم سے کہ اب وہ پارسائی کیا ہوئی
قائم چاندپوری
ٹیگز:
| 2 لائنیں شیری |
شامت ہے کیا کہ شیخ سے کوئی ملے کہ واں
روزہ وبال جاں ہے سدا یا نماز ہے
قائم چاندپوری
ٹیگز:
| 2 لائنیں شیری |
سیر اس کوچہ کی کرتا ہوں کہ جبریل جہاں
جا کے بولا کہ بس اب آگے میں جل جاؤں گا
قائم چاندپوری
ٹیگز:
| 2 لائنیں شیری |
سنگ کو آب کریں پل میں ہماری باتیں
لیکن افسوس یہی ہے کہ کہاں سنتے ہو
قائم چاندپوری
ٹیگز:
| 2 لائنیں شیری |
رونق بادہ پرستی تھی ہمیں تک جب سے
ہم نے کی توبہ کہیں نام خرابات نہیں
قائم چاندپوری
ٹیگز:
| 2 لائنیں شیری |
رسم اس گھر کی نہیں داد کسو کی دے کوئی
شور و غوغا نہ کر اے مرغ گرفتار عبث
قائم چاندپوری
ٹیگز:
| 2 لائنیں شیری |
قصۂ برہنہ پائی کو مرے اے مجنوں
خار سے پوچھ کہ سب نوک زباں ہے اس کو
قائم چاندپوری
ٹیگز:
| 2 لائنیں شیری |
درد دل کچھ کہا نہیں جاتا
آہ چپ بھی رہا نہیں جاتا
قائم چاندپوری
ٹیگز:
| 2 لائنیں شیری |