سنائی دیتی ہے سات آسماں میں گونج اپنی
تجھے پکار کے حیران اڑتے پھرتے ہیں

نعمان شوق

---

---

سنا ہے شور سے حل ہوں گے سارے مسئلے اک دن
سو ہم آواز کو آواز سے ٹکراتے رہتے ہیں

نعمان شوق

---

---

سیر دنیا کو جاتے ہو جاؤ
ہے کوئی شہر میرے دل جیسا

نعمان شوق

---

---

سب جہانگیر نیاموں سے نکل آئیں گے
اب تو زنجیر ہلاتے ہوئے ڈرتا ہوں میں

نعمان شوق

---

---

سارے چقماق بدن آئے تھے تیاری سے
روشنی خوب ہوئی رات کی چنگاری سے

نعمان شوق

---

---

روح کی تھاپ نہ روکو کہ قیامت ہوگی
تم کو معلوم نہیں کون کہاں رقص میں ہے

نعمان شوق

---

---

روک دو یہ روشنی کی تیز دھار
میری مٹی میں گندھی ہے رات بھی

نعمان شوق

---

---

بس ترے آنے کی اک افواہ کا ایسا اثر
کیسے کیسے لوگ تھے بیمار اچھے ہو گئے

نعمان شوق

---

---

فلک کا تھال ہی ہم نے الٹ ڈالا زمیں پر
تمہاری طرح کا کوئی ستارہ ڈھونڈنے میں

نعمان شوق

---

---