محبت والے ہیں کتنے زمیں پر
اکیلا چاند ہی بے نور ہے کیا

نعمان شوق

---

---

نام سے اس کے پکاروں خود کو
آج حیران ہی کر دوں خود کو

نعمان شوق

---

---

پاؤں کے نیچے سے پہلے کھینچ لی ساری زمیں
پیار سے پھر نام میرا شاہ عالم رکھ دیا

نعمان شوق

---

---

پہنتے خاک ہیں خاک اوڑھتے بچھاتے ہیں
ہماری رائے بھی لی جائے خوش لباسی پر

نعمان شوق

---

---

پھر اس مذاق کو جمہوریت کا نام دیا
ہمیں ڈرانے لگے وہ ہماری طاقت سے

نعمان شوق

---

---

پھول وہ رکھتا گیا اور میں نے روکا تک نہیں
ڈوب بھی سکتی ہے میری ناؤ سوچا تک نہیں

نعمان شوق

---

---

پوچھو کہ اس کے ذہن میں نقشہ بھی ہے کوئی
جس نے بھرے جہان کو زیر و زبر کیا

نعمان شوق

---

---

قاعدے بازار کے اس بار الٹے ہو گئے
آپ تو آئے نہیں پر پھول مہنگے ہو گئے

نعمان شوق

---

---

ریل دیکھی ہے کبھی سینے پہ چلنے والی
یاد تو ہوں گے تجھے ہاتھ ہلاتے ہوئے ہم

نعمان شوق

---

---