جانے کس امید پہ چھوڑ آئے تھے گھر بار لوگ
نفرتوں کی شام یاد آئے پرانے یار لوگ

نعمان شوق

---

---

اتنی تعظیم ہوئی شہر میں عریانی کی
رات آنکھوں نے بھی جی بھر کے بدن خوانی کی

نعمان شوق

---

---

عشق میں سچا تھا وہ میری طرح
بے وفا تو آزمانے سے ہوا

نعمان شوق

---

---

آئنے کا سامنا اچھا نہیں ہے بار بار
ایک دن اپنی ہی آنکھوں میں کھٹک سکتا ہوں میں

نعمان شوق

---

---

عشق کا مطلب کسے معلوم تھا
جن دنوں آئے تھے ہم دل ہار کے

نعمان شوق

---

---

اس بار انتظام تو سردی کا ہو گیا
کیا حال پیڑ کٹتے ہی بستی کا ہو گیا

نعمان شوق

---

---

ہر متقی کو اس سے سبق لینا چاہئے
جنت کی چاہ نے جسے شداد کر دیا

نعمان شوق

---

---

ہمیں برا نہیں لگتا سفید کاغذ بھی
یہ تتلیاں تو تمہارے لئے بناتے ہیں

نعمان شوق

---

---

ہم کو ڈرا کر، آپ کو خیرات بانٹ کر
اک شخص راتوں رات جہانگیر ہو گیا

نعمان شوق

---

---