یہ ستم کی محفل ناز ہے کلیمؔ اس کو اور سجائے جا
وہ دکھائیں رقص ستم گری تو غزل کا ساز بجائے جا

کلیم عاجز

---

---

یہ طرز خاص ہے کوئی کہاں سے لائے گا
جو ہم کہیں گے کسی سے کہا نہ جائے گا

کلیم عاجز

---

---

یہ وعظ وفاداری عاجزؔ نہ بدل دینا
وہ زخم تجھے دیں گے تم ان کو غزل دینا

کلیم عاجز

---

---

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی

کلیم عاجز

---

---

ذرا دیکھ آئنہ میری وفا کا
کہ تو کیسا تھا اب کیسا لگے ہے

کلیم عاجز

---

---

زندگی مائل فریاد و فغاں آج بھی ہے
کل بھی تھا سینے پہ اک سنگ گراں آج بھی ہے

کلیم عاجز

---

---

بہت دشوار سمجھانا ہے غم کا
سمجھ لینے میں دشواری نہیں ہے

کلیم عاجز

---

---

غم ہے تو کوئی لطف نہیں بستر گل پر
جی خوش ہے تو کانٹوں پہ بھی آرام بہت ہے

کلیم عاجز

---

---

فن میں نہ معجزہ نہ کرامات چاہئے
دل کو لگے بس ایسی کوئی بات چاہئے

کلیم عاجز

---

---