طبیعت کوئی دن میں بھر جائے گی
چڑھی ہے یہ ندی اتر جائے گی
داغؔ دہلوی
ادھر شرم حائل ادھر خوف مانع
نہ وہ دیکھتے ہیں نہ ہم دیکھتے ہیں
داغؔ دہلوی
ان کی فرمائش نئی دن رات ہے
اور تھوڑی سی مری اوقات ہے
داغؔ دہلوی
اردو ہے جس کا نام ہمیں جانتے ہیں داغؔ
ہندوستاں میں دھوم ہماری زباں کی ہے
داغؔ دہلوی
عذر آنے میں بھی ہے اور بلاتے بھی نہیں
باعث ترک ملاقات بتاتے بھی نہیں
She is loth to come to me and keeps me well away
The cause for this hostility,she does not care to say
داغؔ دہلوی
عذر ان کی زبان سے نکلا
تیر گویا کمان سے نکلا
داغؔ دہلوی
وعدہ جھوٹا کر لیا چلئے تسلی ہو گئی
ہے ذرا سی بات خوش کرنا دل ناشاد کا
داغؔ دہلوی
واعظ بڑا مزا ہو اگر یوں عذاب ہو
دوزخ میں پاؤں ہاتھ میں جام شراب ہو
داغؔ دہلوی
وفا کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا
داغؔ دہلوی