آؤ مل جاؤ کہ یہ وقت نہ پاؤ گے کبھی
میں بھی ہمراہ زمانہ کے بدل جاؤں گا
داغؔ دہلوی
آپ کا اعتبار کون کرے
روز کا انتظار کون کرے
who can depend on what you say?
who will wait each every day?
داغؔ دہلوی
آپ پچھتائیں نہیں جور سے توبہ نہ کریں
آپ کے سر کی قسم داغؔ کا حال اچھا ہے
داغؔ دہلوی
عاشقی سے ملے گا اے زاہد
بندگی سے خدا نہیں ملتا
in romance, does God abound
O priest in piety not found
داغؔ دہلوی
آتی ہے بات بات مجھے بار بار یاد
کہتا ہوں دوڑ دوڑ کے قاصد سے راہ میں
داغؔ دہلوی
اب تو بیمار محبت تیرے
قابل غور ہوئے جاتے ہیں
داغؔ دہلوی
ابھی آئی بھی نہیں کوچۂ دلبر سے صدا
کھل گئی آج مرے دل کی کلی آپ ہی آپ
داغؔ دہلوی
اے داغ اپنی وضع ہمیشہ یہی رہی
کوئی کھنچا کھنچے کوئی ہم سے ملا ملے
داغؔ دہلوی
عرض احوال کو گلا سمجھے
کیا کہا میں نے آپ کیا سمجھے
the mention of my condition was a complaint thought to be
what was it I said to you, you did not follow me
داغؔ دہلوی