عیادت کو مری آ کر وہ یہ تاکید کرتے ہیں
تجھے ہم مار ڈالیں گے نہیں تو جلد اچھا ہو
داغؔ دہلوی
آؤ مل جاؤ کہ یہ وقت نہ پاؤ گے کبھی
میں بھی ہمراہ زمانہ کے بدل جاؤں گا
داغؔ دہلوی
عرض احوال کو گلا سمجھے
کیا کہا میں نے آپ کیا سمجھے
the mention of my condition was a complaint thought to be
what was it I said to you, you did not follow me
داغؔ دہلوی
اے داغ اپنی وضع ہمیشہ یہی رہی
کوئی کھنچا کھنچے کوئی ہم سے ملا ملے
داغؔ دہلوی
ابھی آئی بھی نہیں کوچۂ دلبر سے صدا
کھل گئی آج مرے دل کی کلی آپ ہی آپ
داغؔ دہلوی
اب تو بیمار محبت تیرے
قابل غور ہوئے جاتے ہیں
داغؔ دہلوی
آتی ہے بات بات مجھے بار بار یاد
کہتا ہوں دوڑ دوڑ کے قاصد سے راہ میں
داغؔ دہلوی
عاشقی سے ملے گا اے زاہد
بندگی سے خدا نہیں ملتا
in romance, does God abound
O priest in piety not found
داغؔ دہلوی
آپ پچھتائیں نہیں جور سے توبہ نہ کریں
آپ کے سر کی قسم داغؔ کا حال اچھا ہے
داغؔ دہلوی