آگہی کرب وفا صبر تمنا احساس
میرے ہی سینے میں اترے ہیں یہ خنجر سارے

بشیر فاروقی

---

---

صبر اے دل کہ یہ حالت نہیں دیکھی جاتی
ٹھہر اے درد کہ اب ضبط کا یارا نہ رہا

حبیب اشعر دہلوی

---

---

وہاں سے ہے مری ہمت کی ابتدا واللہ
جو انتہا ہے ترے صبر آزمانے کی

جوشؔ ملیح آبادی

---

---

ہر چند تجھے صبر نہیں درد ولیکن
اتنا بھی نہ ملیو کہ وہ بدنام بہت ہو

خواجہ میر دردؔ

---

---

چارۂ دل سوائے صبر نہیں
سو تمہارے سوا نہیں ہوتا

مومن خاں مومن

---

---

بہت کم بولنا اب کر دیا ہے
کئی موقعوں پہ غصہ بھی پیا ہے

شمس تبریزی

---

---

ایسی پیاس اور ایسا صبر
دریا پانی پانی ہے

وکاس شرما راز

---

---