apne man mein Dub kar pa ja suragh-e-zindagi
tu agar mera nahin banta na ban apna to ban

Allama Iqbal

---

---

aagahi karb wafa sabr tamanna ehsas
mere hi sine mein utre hain ye KHanjar sare

Bashir Farooqi

---

---

umr jo be-KHudi mein guzri hai
bas wahi aagahi mein guzri hai

Gulzar Dehlvi

---

---

tera wasl hai mujhe be-KHudi tera hijr hai mujhe aagahi
tera wasl mujh ko firaq hai tera hijr mujh ko visal hai

Jalaluddin Akbar

---

---

'sauda' jo be-KHabar hai wahi yan kare hai aish
mushkil bahut hai un ko jo rakhte hain aagahi

Sauda Mohammad Rafi

---

---