is shahr mein to kuchh nahin ruswai ke siwa
ai 'dil' ye ishq le ke kidhar aa gaya tujhe

Dil Ayubi

---

---

achchhi-KHasi ruswai ka sabab hoti hai
dusri aurat pahli jaisi kab hoti hai

Fay Seen Ejaz

---

---

yaadon ki bauchhaaron se jab palken bhigne lagti hain
sondhi sondhi lagti hai tab mazi ki ruswai bhi

Gulzar

---

---

sari ruswai zamane ki gawara kar ke
zindagi jite hain kuchh log KHasara kar ke

Hashim Raza Jalalpuri

---

---

wo mere nam ki nisbat se mo'tabar Thahre
gali gali meri ruswaiyon ka sathi ho

Iftikhar Arif

---

---

ab tu darwaze se apne nam ki taKHti utar
lafz nange ho gae shohrat bhi gali ho gai

Iqbal Sajid

---

---

pyar karne bhi na paya tha ki ruswai mili
jurm se pahle hi mujh ko sang-e-KHamyaza laga

Iqbal Sajid

---

---