lagi rahti hai ashkon ki jhaDi garmi ho sardi ho
nahin rukti kabhi barsat jab se tum nahin aae

Anwar Shuoor

---

---

har ishq ke manzar mein tha ek hijr ka manzar
ek wasl ka manzar kisi manzar mein nahin tha

Aqeel Abbas Jafri

---

---

ek raushni si dil mein thi wo bhi nahin rahi
wo kya gae charagh-e-tamanna bujha gae

Arsh Malsiyani

---

---

haalat ne kisi se juda kar diya mujhe
ab zindagi se zindagi mahrum ho gai

Asad Bhopali

---

---

ek shakl hamein phir bhai hai ek surat dil mein samai hai
hum aaj bahut sarshaar sahi par agla moD judai hai

Athar Nafees

---

---

KHalal-pazir hua rabt-e-mehr-o-mah mein waqt
bata ye tujh se judai ka waqt hai ki nahin

Aziz Hamid Madni

---

---

KHud chale aao ya bula bhejo
raat akele basar nahin hoti

Aziz Lakhnavi

---

---