naya ek rishta paida kyun karen hum
bichhaDna hai to jhagDa kyun karen hum

Jaun Eliya

---

---

to kya sach-much judai mujh se kar li
to KHud apne ko aadha kar liya kya

Jaun Eliya

---

---

sans lene mein dard hota hai
ab hawa zindagi ki ras nahin

Jigar Barelvi

---

---

tum nahin pas koi pas nahin
ab mujhe zindagi ki aas nahin

Jigar Barelvi

---

---

aa ki tujh bin is tarah ai dost ghabraata hun main
jaise har shai mein kisi shai ki kami pata hun main

Jigar Moradabadi

---

---

gham de gaya nashat-e-shanasai le gaya
wo apne sath apni masihai le gaya

Junaid Hazin Lari

---

---

teri talash mein nikle to itni dur gae
ki hum se tai na hue fasle judai ke

Junaid Hazin Lari

---

---