فرشتہ ہے تو تقدس تجھے مبارک ہو
ہم آدمی ہیں تو عیب و ہنر بھی رکھتے ہیں

دل ایوبی

---

---

اس شہر میں تو کچھ نہیں رسوائی کے سوا
اے دلؔ یہ عشق لے کے کدھر آ گیا تجھے

دل ایوبی

---

---

کہاں میں ابھی تک نظر آ سکا ہوں
خدا جانے کتنی تہوں میں چھپا ہوں

دل ایوبی

---

---

لمحہ لمحہ مجھے ویران کئے دیتا ہے
بس گیا میرے تصور میں یہ چہرہ کس کا

دل ایوبی

---

---

نہ گرد و پیش سے اس درجہ بے نیاز گزر
جو بے خبر سے ہیں سب کی خبر بھی رکھتے ہیں

دل ایوبی

---

---

پھر مرحلۂ خواب بہاراں سے گزر جا
موسم ہے سہانا تو گریباں سے گزر جا

دل ایوبی

---

---

یہ دلچسپ وعدے یہ رنگیں دلاسے
عجب سازشیں ہیں کہاں آ گیا ہوں

دل ایوبی

---

---

یہ راہ عشق ہے آخر کوئی مذاق نہیں
صعوبتوں سے جو گھبرا گئے ہوں گھر جائیں

دل ایوبی

---

---