KHamushi teri meri jaan liye leti hai
apni taswir se bahar tujhe aana hoga

Mohammad Ali Sahil

---

---

kuchh to is dil ko saza di jae
us ki taswir haTa di jae

Mohammad Alvi

---

---

tab-e-nazzara nahin aaina kya dekhne dun
aur ban jaenge taswir jo hairan honge

how can I let her see the mirror, she lacks strength to see
a picture she'll herself become, stunned by the imagery

Momin Khan Momin

---

---

kahin aisa na ho kam-baKHt mein jaan aa jae
is liye hath mein lete meri taswir nahin

Mubarak Azimabadi

---

---

ang darkar the hum ko teri KHamoshi ke
ek aawaz ki taswir banani thi hamein

Nazir Wahid

---

---

kah rahi hai ye teri taswir bhi
main kisi se bolne wali nahin

Nooh Narvi

---

---

zindagi bhar ke liye ruTh ke jaane wale
main abhi tak teri taswir liye baiTha hun

Qaisar-ul-Jafri

---

---