puchhi taqsir to bole koi taqsir nahin
hath joDe to kaha ye koi tazir nahin
hum bhi diwane hain wahshat mein nikal jaenge
najd ek dasht hai kuchh qais ki jagir nahin
ek teri baat ki jis baat ki tardid muhaal
ek mera KHwab ki jis KHwab ki tabir nahin
kahin aisa na ho kam-baKHt mein jaan aa jae
is liye hath mein lete meri taswir nahin
Ghazal
Puchhi taqsir to bole koi taqsir nahin
Mubarak Azimabadi