apni taswir banaoge to hoga ehsas
kitna dushwar hai KHud ko koi chehra dena

Azhar Inayati

---

---

shahr ho dasht-e-tamanna ho ki dariya ka safar
teri taswir ko sine se laga rakkha hai

Aziz-ur-Rahman Shaheed Fatehpuri

---

---

chahiye us ka tasawwur hi se naqsha khinchna
dekh kar taswir ko taswir phir khinchi to kya

Bahadur Shah Zafar

---

---

chup-chap sunti rahti hai pahron shab-e-firaq
taswir-e-yar ko hai meri guftugu pasand

Dagh Dehlvi

---

---

hum hain us ke KHayal ki taswir
jis ki taswir hai KHayal apna

Fani Badayuni

---

---

oz hai dard-e-mohabbat ka nirala andaz
roz dil mein teri taswir badal jati hai

Fani Badayuni

---

---

KHushbu giraft-e-aks mein laya aur us ke baad
main dekhta raha teri taswir thak gai

Ghulam Mohammad Qasir

---

---