یہ حاصل ہے مری خاموشیوں کا
کہ پتھر آزمانے لگ گئے ہیں

مدن موہن دانش

---

---

ہر ایک بات زباں سے کہی نہیں جاتی
جو چپکے بیٹھے ہیں کچھ ان کی بات بھی سمجھو

محشر عنایتی

---

---

خامشی تیری مری جان لیے لیتی ہے
اپنی تصویر سے باہر تجھے آنا ہوگا

محمد علی ساحل

---

---

میری عرض شوق بے معنی ہے ان کے واسطے
ان کی خاموشی بھی اک پیغام ہے میرے لیے

معین احسن جذبی

---

---

چپ چپ کیوں رہتے ہو ناصرؔ
یہ کیا روگ لگا رکھا ہے

ناصر کاظمی

---

---

میں ہوں رات کا ایک بجا ہے
خالی رستہ بول رہا ہے

ناصر کاظمی

---

---

رنگ درکار تھے ہم کو تری خاموشی کے
ایک آواز کی تصویر بنانی تھی ہمیں

ناظر وحید

---

---