جسے صیاد نے کچھ گل نے کچھ بلبل نے کچھ سمجھا
چمن میں کتنی معنی خیز تھی اک خامشی مری

جگر مراد آبادی

---

---

خموشی میں ہر بات بن جائے ہے
جو بولے ہے دیوانہ کہلائے ہے

کلیم عاجز

---

---

ہم نہ مانیں گے خموشی ہے تمنا کا مزاج
ہاں بھری بزم میں وہ بول نہ پائی ہوگی

کالی داس گپتا رضا

---

---

شور جتنا ہے کائنات میں شور
میرے اندر کی خامشی سے ہوا

کاشف حسین غائر

---

---

نکالے گئے اس کے معنی ہزار
عجب چیز تھی اک مری خامشی

خلیلؔ الرحمن اعظمی

---

---

رات میری آنکھوں میں کچھ عجیب چہرے تھے
اور کچھ صدائیں تھیں خامشی کے پیکر میں

خوشبیر سنگھ شادؔ

---

---

خموشی دل کو ہے فرقت میں دن رات
گھڑی رہتی ہے یہ آٹھوں پہر بند

لالہ مادھو رام جوہر

---

---