چپ رہو تو پوچھتا ہے خیر ہے
لو خموشی بھی شکایت ہو گئی

اختر انصاری اکبرآبادی

---

---

اسے بے چین کر جاؤں گا میں بھی
خموشی سے گزر جاؤں گا میں بھی

امیر قزلباش

---

---

ایک دن میری خامشی نے مجھے
لفظ کی اوٹ سے اشارہ کیا

انجم سلیمی

---

---

کھلی زبان تو ظرف ان کا ہو گیا ظاہر
ہزار بھید چھپا رکھے تھے خموشی میں

انور سدید

---

---

محبت سوز بھی ہے ساز بھی ہے
خموشی بھی ہے یہ آواز بھی ہے

عرش ملسیانی

---

---

خموشی میری معنی خیز تھی اے آرزو کتنی
کہ جس نے جیسا چاہا ویسا افسانہ بنا ڈالا

آرزو لکھنوی

---

---

عجیب شور مچانے لگے ہیں سناٹے
یہ کس طرح کی خموشی ہر اک صدا میں ہے

عاصمؔ واسطی

---

---