دنیا تو سیدھی ہے لیکن دنیا والے
جھوٹی سچی کہہ کے اسے بہکاتے ہوں گے

کالی داس گپتا رضا

---

---

ہم کہ اپنی راہ کا پتھر سمجھتے ہیں اسے
ہم سے جانے کس لیے دنیا نہ ٹھکرائی گئی

خورشید رضوی

---

---

دنیا بہت خراب ہے جائے گزر نہیں
بستر اٹھاؤ رہنے کے قابل یہ گھر نہیں

لالہ مادھو رام جوہر

---

---

دیکھو دنیا ہے دل ہے
اپنی اپنی منزل ہے

محبوب خزاں

---

---

کوئی دن اور غم ہجر میں شاداں ہو لیں
ابھی کچھ دن میں سمجھ جائیں گے دنیا کیا ہے

محمود ایاز

---

---

دنیا ہے سنبھل کے دل لگانا
یاں لوگ عجب عجب ملیں گے

میر حسن

---

---

لائی ہے کہاں مجھ کو طبیعت کی دو رنگی
دنیا کا طلب گار بھی دنیا سے خفا بھی

مدحت الاختر

---

---