کس خرابی سے زندگی فانیؔ
اس جہان خراب میں گزری

فانی بدایونی

---

---

اس تماشے کا سبب ورنہ کہاں باقی ہے
اب بھی کچھ لوگ ہیں زندہ کہ جہاں باقی ہے

فریاد آزر

---

---

ایک خواب و خیال ہے دنیا
اعتبار نظر کو کیا کہئے

فگار اناوی

---

---

مذہب کی خرابی ہے نہ اخلاق کی پستی
دنیا کے مصائب کا سبب اور ہی کچھ ہے

فراق گورکھپوری

---

---

دنیا تو چاہتی ہے یونہی فاصلے رہیں
دنیا کے مشوروں پہ نہ جا اس گلی میں چل

حبیب جالب

---

---

کچھ اس کے سنور جانے کی تدبیر نہیں ہے
دنیا ہے تری زلف گرہ گیر نہیں ہے

حفیظ بنارسی

---

---

دنیا بس اس سے اور زیادہ نہیں ہے کچھ
کچھ روز ہیں گزارنے اور کچھ گزر گئے

حکیم محمد اجمل خاں شیدا

---

---